اداکارہ کومل میر، جنہوں نے ڈرامہ عہدِ وفا سے شہرت حاصل کی، ان دنوں اپنے نئے ڈرامہ سیریل گونج میں مرکزی کردار ادا کر رہی ہیں۔ یہ ان کا پہلا بڑا پروجیکٹ ہے جس میں وہ ممکنہ کاسمیٹک تبدیلیوں اور وزن میں اضافے کے بعد ایک مختلف روپ میں سامنے آئی ہیں۔
ڈرامے کی پہلی قسط نشر ہونے کے بعد سوشل میڈیا پر ان کی ظاہری تبدیلی اور اداکاری کے انداز پر بحث چھڑ گئی ہے۔ متعدد صارفین نے تبصرہ کیا کہ کومل کی موجودہ شکل ان کی سابقہ شخصیت سے خاصی مختلف نظر آتی ہے۔
مداحوں کے ایک طبقے نے خیال ظاہر کیا ہے کہ ممکنہ سرجری کے باعث ان کی قدرتی خوبصورتی متاثر ہوئی ہے۔ ساتھ ہی ان کے پرفارمنس پر بھی مایوسی کا اظہار کیا گیا۔ ایک صارف نے تبصرہ کیا، “کومل کی اداکاری غیر ضروری طور پر ڈرامائی لگ رہی ہے،” جبکہ ایک اور صارف نے طنزیہ لکھا، “یہ بوٹاکس جیسا چہرہ کیوں لگ رہا ہے؟”
Komal Meer’s Appearance and Performance in Goonj Sparks Online Debate
کچھ ناقدین نے ان کی جذباتی مناظر میں اداکاری کو غیر فطری قرار دیا اور کہا کہ وہ پہلے زیادہ پُرکشش اور قدرتی لگتی تھیں۔ چہرے میں نمایاں تبدیلیوں پر متعدد سوالات بھی اٹھائے جا رہے ہیں۔
اگرچہ بعض مداح اب بھی ان کی صلاحیتوں کے معترف ہیں، لیکن مجموعی طور پر گونج میں کومل میر کی نئی شکل اور انداز سوشل میڈیا پر گرما گرم بحث کا موضوع بن چکے ہیں۔
