شوشاقرہ باغ۔وزیراعظم شہبازشریف اقتصادی تعاون تنظیم (ای سی او) کے سربراہی اجلاس میں شرکت کے لیے آذربائیجان پہنچ گئے۔
وزیرِاعظم شہباز شریف 2 روزہ سرکاری دورے پر آذربائیجان کے شہر شوشا قرہ باغ پہنچ گئے، جہاں وہ اقتصادی تعاون تنظیم کے سربراہی اجلاس میں شرکت کریں گے۔
فذوالی ہوائی اڈے پر آذربائیجان کے وزیر ثقافت عادل کرملی اور اعلیٰ حکام نے وزیراعظم شہباز شریف اور پاکستانی وفد کا پرتپاک استقبال کیا۔
اقتصادی تعاون تنظیم کے سربراہی اجلاس میں وزیراعظم شہباز شریف عالمی اور علاقائی امور پر پاکستان کا نقطہ نظر پیش کریں گے۔
نائب وزیراعظم اسحاق ڈار، وزیر اطلاعات عطا اللہ تارڑ اور معاون خصوصی طارق فاطمی بھی وزیراعظم شہباز شریف کے ہمراہ ہیں۔
وزیرِ اعظم اقتصادی تعاون تنظیم کے سربراہی اجلاس سے خطاب بھی کریں گے اور سربراہی اجلاس میں شریک عالمی رہنماوں سے اہم ملاقاتیں بھی کریں گے۔
