کراچی: مقامی صرافہ بازار میں سونے کی قیمت میں کمی ریکارڈ کی گئی ہے۔ عالمی مارکیٹ میں نرخ کم ہونے کے بعد پاکستان میں بھی سونا فی تولہ 700 روپے سستا ہوگیا۔
آل پاکستان جمز اینڈ جیولرز سرافہ ایسوسی ایشن (APGJSA) کے مطابق منگل کے روز فی تولہ سونا 3 لاکھ 59 ہزار روپے میں فروخت ہوا، جو گزشتہ روز کے مقابلے میں 700 روپے کم ہے۔ 10 گرام سونے کی قیمت 600 روپے کمی سے 3 لاکھ 7 ہزار 784 روپے رہی۔
پیر کو سونا فی تولہ 1,500 روپے اضافے کے ساتھ 3 لاکھ 59 ہزار 700 روپے پر پہنچا تھا۔
عالمی مارکیٹ میں بھی سونے کی قیمت میں 7 ڈالر کی کمی ہوئی۔ APGJSA کے مطابق عالمی ریٹ 3,365 ڈالر فی اونس رہا، جس میں 20 ڈالر کا پریمیم شامل ہے۔
چاندی بھی سستی ہوئی۔ فی تولہ چاندی 73 روپے کمی کے بعد 4,014 روپے میں فروخت ہوئی۔
